عن الانبساط

المرة دى انا حتكلم معاكوا بالعامية على الرغم من انى مش بحب اكتب بيها, بس حاسيت انى حاقدراوصلوكوا اللى انا عيزة اقولوا بيها احسن من لو كتبت بالفصحى. موضوع الكتابة بالطريقة دى ممكن يضايق البعض بس اوعدكوا ان شاء الله انكوا مش حتندموا. المهم نرجع لموضوعنا و هو ان الدنيا كثير ما بتتعبنا و كثيرما بنشعر اننا فى غمرة الروتين بنفقد معنى العيشة اللى هى احد نعم ربنا علينا. حلو اننا نتعب و نشتغل و نجتهد و نحارب عشان نوصل لاهدافنا فى الدنيا دى, بس مش حلو خالص اننا ننسى نفسنا جو الدايرة دى. يعنى اه اتعب و اشتغل و موت نفسك من التعب كمان, بس من وقت للتانى اعمل حاجة جديدة و حلوة تبسطك و تجدد بيها طاقتك اللى بتوصلك للى انت عيزة. و اليك عزيزى القارئ ” لسته ” بعدد من الاشياء اللى ممكن تعملها عشان ” تبسط نفسك ” و طبعا حبقى سعيدة لو قولتولى انتوا بتعملوا ايه عشان تبسطوا نفسكوا 😀 كنوع من انواع تواصلنا مع بعض ; )

  • اقرأ كتاب نكت 😄 ; ) صدقنى حتموت على نفسك من الضحك.
  • كلم حد من صحابك من ايام المدرسة و اقعدوا افتكروا ذكريات الطفولة اللى كلها شقاوة و”انبساط”.
  • اتفرج على فيلم ابن حميدو او مراتى مدير عام او الزوجة  13 اواشاعة حب او اى فيلم كوميدى تانى و اقعد اضحك من قلبك و حاول ترمى هموم الدنيا ورا ضهرك فى ساعتين العرض دول.
  • غنى مع طفل صغير اى اغنية من اغانى الطفوله اللى كلنا كبرنا عليها.
  • قابل شلتك و قدوا مع بعض وقت مليان “ضحك و لعب و جد و حب”.
  • هادى حد بتحبه قوى و شوف فرحته بالهدية اللى جبتهالوا صدقنى حتفرح لفرحوا اوى.
  • اتفرج على  ; )Tom & Jerry
  • العب “فواكه” مع مجموعة من صحابك.
  • ادخل اوضتك و شغل المزيكا اللى بتحب تسمعها و ارقص و انبسط.
  • اخرج خروجة لمكان جديد مع اعز اصحابك و استمتعوا بوقتكم.
  • اسمع كلمه شكر او مدح بتتقالك و ابتسم و احمد ربنا على نعمه عليك.
  • طوس وشك بمياه ساقعة فيوم حر.
  • العب اولى او استغمايه اواى لعبه ملعبتهاش من و انت صغير.
  • صلى و ادعى ربنا و انت مستشعر وجودة قربك.
  • قول لنفسك ” كل سنه و انا طيب ” يوم عيد ميلادك و جيب لنفسك هديه حلوة بالمنسبة السعيدة دى ; )
  • اقعد قاعدة عائلية و استمتع بكل لحظة بتقديها مع اهلك اللى بتحبهم.
  • اتفرج على الصور بتعتك و انت صغير ,صدقنى حتنبسط.
  • اتفرج على صورك مع صحابك و افتكر الايام اللى جمعتكم.
  • احضن والدتك حضن كبييييير و قولها اد ايه بتحبها.
  • حقق احد اهدافك فى الحياة مهما كان بسيط.
  • كل اكله طعمة و شهيه و استمتع بكل قضمة فيها.
  • اقعد اتكلم مع عيل عندة 3 سنيين على انه واحد كبير, تهريج السنيييين.
  • اعمل حاجة تسعد بيها حد عزيز عليك, حتلقيك تلقائى انبسطت انت كمان.
  • ساعد حد محتاج مسعده حتحس بأهميتك و بالتالى حتنبسط.
  • كلم حد بقالك فترة طويله مكلمتوش.
  • عرف حد عزيز عليك قد ايه انت بتحبه.
  • اضحك من قلبك.
  • قول الحمد لله بكل رضا و انبساط.
  • اعمل حاجة مفيدة و مهمه فى يومك مهما كانت صغيرة المهم متخليش اليوم يعدى كدة من غير اى فايدة.
  • خذ خطوة للامام نحو هدفك فى الحياة.
  • اعمل حاجة جديدة فى حياتك من فترة للتانية.

 و اخيرا احب اقولك عزيزى القارئ اعمل اى حاجة تبسط بيها نفسك مهما كانت بسيطة, و اعرف انا انت الوحيد القادرعلى اسعاد نفسك و ايجاد سبب “انبساطك” 😀

كتابة : سارة النجار.

  1. that’s pretty amazing article 🙂

  2. aywa b2aaaa ya saraaa b2aaaaaaa wal3naaaa :D:D:D makontsh a3rf 2nk gamda kada…… nice article bbe <3<3

  3. gamiiiiiiiiiiiil. kolo 7a2e2y :)) ana ba2a ba3mel lenafsy gadwal embsat 🙂 really this is so little, but this is all I want to do :). the negative side of this table f enbesat that: if anyone interrupt my schedul, I become so nerveous 🙂

  4. like 🙂 I eat chocolate to be happy 🙂

  5. gamdaaaaaaaaaa awiiiiiii ♥

Say something

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: